最近少用左FC2呢邊，
有部分原因係我D FDs用xanga多，
我log in左xanga睇人D野，就會順手打ma(有時)
跟住就遺忘左呢邊...我好衰~
咁最多我而家補番...
雖然同中六相比，
我ive呢邊唔係好值得驕傲...
其一包括我在內，係IVE讀的都唔算得幾高分，
其二要入大學，聯招一定無我地份，
其三我地仲好hee...但係中六果D大部分都已經入狀態,,,
當然，我都仲鐘意呢度，
有一個主要原因，我識曬我班D女仔，
終於唔洗日日一丁友食飯，雖然我唔mind~
呢度D設備完善，
洗手間又大又爽，仲有紙巾提供，
最正都係果LRC(圖書館)，
除左因為佢有2層咁大，
仲有免費釘裝、預約服務、又有10幾部腦公開比我地用，
而且仲有大富翁果類棋玩...真係令我好新奇~
睇落我好似好閒下，
因為幾乎所有功課同quiz都係網上做網上交，
減少抄寫時間~
我呢邊都幾多活動下，
好多都免費，係D 專業course先要比$$...
不過D活動真係幾多元化下~
起初真係唔係好慣D老師，
有D係讀音問題，有D係教學方式，
不過到而家對老師評價好番好多~
其實我都幾鐘意而家的模式，
因為呢到多比學生實習，
好似今日咁，係CF堂4至5個一組，
用塊電路板練習剛剛教的LOGIC GATE~好正~
以前係中學，資源唔夠幾個一組咁做，
好多時d實驗都係係旁邊睇多個落手落腳自己做~
(其實係自己懶去做...)不過就算我懶唔做，
都有其他人出手~
講完老師到同學，
其他同學都好友善，
我有唔明問佢地都會答~
(有時問人真係好驚，因為好怕聽到「咩咁易你都唔識」....跟住就更加無MOOD..)
講住咁多先，有咩想吐直接搵我本人啦~

(提醒用) Timetable

上學都有一星期，
發覺原來認真的話，
仍然有不少東西要韻...很好東東要記，
平時有quiz和功課要計考試分~~
好多科都係平時分同exam都要pass，
無得互相拉分...
所以呢，要找我的話...

迎新

被我估中，
迎新日有遊戲玩...
大話鬼、踩報紙(其實唔係咩報紙，係普通地氈，咁打會明D係玩咩~)、
仲有好多小遊戲....
我地將幾班合起來，
分成9 至10人一組活動...，
講真我真係對D遊戲無咩大興趣，
不過都叫認識到校園，
所以就由佢...其實我明白要諗點介紹新校園同其生活，
又要唔令我地班新生悶，都幾花腦筋....
不過好明顯我成組都好沈默，
唔點發表問題，又唔點去參與，
做我地group leader果個都幾無奈下,,,,簡直同幅牆講野...
講真，第一日參觀，第一日見到班同學，
好難有咩問題問,,,
都唔明點解我果組D男生，
今日先第一次見面，
咁快成為fds~~而我就仍然形單隻影，係咪我有問題？！
哇，最令我振奮係，
我以後可以搭電梯上課室！
而且個圖書館好大，2層，
就眼睇，大過香港仔果個！
最正係D學生福利，
一次可以借10本普通書籍，
借4星期，
又有得借notebook，
仲有免費釘裝服務，好美好！
我果度有gym room，網球場、哥爾夫球場....未免多元化左少少？！
係一開始的時候，
派左本schedule book同圖書館手冊，
本schedule book OK令，
原來係IVE 學生設計....

schedule背面，

之後派完地鐵表，
同收完家長同意書，(原來我又down錯form落黎~)
就分番course坐(其實我地今日迎新有2個唔同COURSE的係到)
跟住就講下我地咩班，
咩班主任，我地個系的老師姓咩....
我係A班，班主任係LAI.K.C.
我無聊數過，
我個班計我在內，得4個女仔，無數錯的話.....
跟住再講下，考試點計分，
同點樣叫合格....
要平時分同考試分各有40%至叫pass
哇哇，原來肥左有得補考，
雖然要等佢批至有得補，
不過好過學校，測驗肥左，
你等考試再努力過！
之後又有睇過要讀D咩，來年，
哈哈，有math & stat. ，(睇得明幾乎得呢科~)
得英文無中文讀....
跟住，個阿sir兇我地，(都唔叫兇，叫提醒)
唔好以為好易，
舊年D師哥師姐好多都話辛苦，
而且YEAR 2都好多唔見左....(嚇倒了~)
不過咁咪同我地而家原校果班中六差唔多////(放心，有緣總相見~)
呀，差點唔記得講，
我番學都仲要拍咭，個拍咭器勁似個燈掣...

[講真，雖然介紹過SAO有D咩重要人物，同行過學校，但我已經''無咩印象''~呵]

寫住咁多，記得再補。

去飲

今晚去了尖咀飲表姐的喜酒。
一入到會場，
見到表姐同表姐夫張相，(唔認得...)
差點不敢進去...
他們即場簽紙，
律師將男家跟女家的姓氏調轉左讀，
雖然律師及時更正，
但都引起一場小笑話...
在我個人而言，
張紙上無搞錯新郎新娘個名，
讀錯名並不算是大問題...
然後，攝記突然將鏡頭轉到了我們這邊人，
差點不知怎樣說祝福說話....(果然我面對鏡頭是會膽怯~~)
上菜時，我被首背景音樂嚇呆了，
很有種廸士尼音樂feel，
那音樂很跳躍、很有節奏，
像是有甚麼動物要跳出來，
令我想起.....丁滿與彭彭...(完全不對feel嘛~)
[我指的是森林的氣息..]
哈哈，我今日又弄倒了杯飲品，
我極懷疑自己是否手部神經太少，
上次去5S聚餐時已經令SANDY糟糠，
今次就同自己過唔去...
然後去睇婚禮的相簿，
除左主角果兩個，
背景都很美，歐陸式的建築、擺設，
如果能夠借來出，就太好了...(重點錯了...)
其實不單個d相令，
果短片都整得好吸引，
尤其要播放一張張童年照，
個連接位做得很美...讚~
最後的甜點紅豆沙，
我竟然全部飲完。
平時都是我一個整碗完風不動的放著。
很多人都說這次紅豆沙太甜，
我卻覺得好味...(我味覺出問題了？)
回到家都11點半，不過我又不想睡，
哈，我總是每晚都幾乎到1點幾睡的人，
然後另一日狂睡午覺，仲要不定時的睡///

DIY

近排無事幹，
留在家裡，
興起做手工，
先是小型店鋪的DIY，
現在的是我那偉大的CHEESE KUN~~
不過隻手個面整錯，
要重新再連過D線...


隻cheese kun總算整到有個樣，^V^
只係差佢2隻小手~~原因係手整得稍微大左一點....(小聲)
嗯嗯，不過還是會努力努力...
我想最終應該會搞到...
先放住初圖先~~


近1、2日，執野，
發現好多唔多用，應該係話唔會再用的野...
仲留係屋企，
究竟係我太懷舊唔捨得，
定我太長時間無去執野？真係唔知道，呵~
算了，不過唔忍心就真係，
因為真係無咩點掂過，即時係細個的時候...
所以就幫佢地影相留念...
幫「玩具」影相....我的確有D怪，哈哈
不過，我都無將自己當正常人看待過，唔緊要啦~
哈姆太郎的空屋(內裡無任何家私...)

頂樓(空GE，得個平台)

花園連泳池(你賣樓？？？)


唔知係咩動物的銀包